schau sämä. mich würd interessiere was ihr zu de uslosige und de schwizer gruppe für d EM säged. also ich find vor allem d türkei en attraktive gegner und hoffe dass me miteme guete und friedleche spiel d vorfäll vode vergangeheit chan vergässä mache. zuedemm findi portugal en sehr attraktive gegner, die spilled schöne fuessball, hend de ronaldo, und sind letschtmal immerhin is final choh. d tscheche findi eignetli de unattraktivschti gegner, obschon si es verdammt starchs team hend, aber wer hed das scho ned a dere EM.
EURO08, schweizer gruppe.
-
dschwiizer händ e guets los zoge im verglich zu italie, meh muesmer glaub net säge
btw nice teams sind i de schwiiz am spiele!!
mfg red0r
-
Gruppe isch nid schlächt.
Aber Dütschland het natürlech wider mau meh Glück gah.
Finde Tschechie eigentlech rächt super Gägner, nume ha ni chli Angst, dass wenn mer gäg die im Eröffnigsspiel untergö -> wirds huärä hert witterzcho für d Schwitz. Türkei-Match isch sehr spannend, wüeu viel Brisanz dinnä isch. O wenns niemer dütlech seit, wei sich die natürlech für die verpassti WM Qualifikation räche und das wird es herts Spiel - die wärde alles gäh.
Gäg Portugal cha nis nid so guet ischätze.......hoffe es chunnt nid so use wie immer gäg Spanie - gäg die chöi mer nämlech praktisch nie gwinne.
uf jede Fall wirds extrem schwär, aber nid unmöglech. Aber so richtig hype würdi jetzt das nid. Wenn mer witterchöme isch es für mi chli e Überraschig.
Jetzt mitmachen!
Du hast noch kein Benutzerkonto auf unserer Seite? Registriere dich kostenlos und nimm an unserer Community teil!
