LAN Party im Andenken an SCR

    Hallo Zusammen,


    I weiss ned öb er mi no kennet, aber i be met em SCR ab ond zue a LAN's gsii. Mer wette jetzt eigentlech em Aadänke a Reto nomol alli zäme ane LAN go (Toni, Pig, Kim, Vanessa, Andrea ... ) ond evtl. ou si Brüeder ond sini Fröndin.


    För mech zumindescht ghöret ehr dezue, er send emmer det gsii weni met em Reto cho be ond er hend euch jo ou guet kennt (hani zumindescht s'gfüel gha). Dorom, wäred er ou debii?


    Ond wösset er evtl. öbs en nöchschti CAD werd gää?



    Gruess Lukas

    • Offizieller Beitrag

    Hey merci vielmol für din post!


    jo mag mi no schüch a dich erinnere, aber isch jo au scho es ziitli her. Isch immer luschtig gsi mitem Reto, egal öb inet oder lan. Hend vieli gueti gmeinsami Stunde dörfe zämä verbringe.


    Hender denn scho öpis konkrets planed oder isches einfach mol e idee wäg dä lan? Wenn und wo? Wenn sichs irichte loht bini sicher gern däbi und wohrschinlich au no es paar anderi obwohl mir scho länger nüm aktiv sind...


    Offiziel wirds kei CAD's meh geh aber kei ahnig öb d'Assassins irgendwenn wieder mol was funmässigs werded mache..


    Ich han eigentlich mol vorgha das Johr wiedermol e skV & friends LAN z'organsiere, aber wiäs so goht isch leider nix druf worde wägä ziitmangel. Evtl. gits nöchscht Johr was ;)

    Nei aso de aktuell Stand esch so das mer mol versueche alli Lüüt z'fende wo dezue ghöre. Ond de wörde mer luege wenn me wo ane LAN wott go. Es get schösch ou en Facebook Groppe wo mer mol lüüt zämeträge (Jo I be mer klar dasi mer wäg dere uussag einig spröch werde müesse alose ;) ) ...


    Naja wenn er wörklech öppis wördet of d'bei stelle nöchscht Johr de chönnt me luege öb mer det häre wörde cho, aber ebe mues alles no besproche wärde.


    Facebook: Lukas von Niederhäusern


    Det wördet er eus fende
    Gruess Lukas

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden