Netbooks kennet die meiste ja scho. Die wo sich selber au eis zoge hend, hend sicher (wie ich au) au scho d Erfahrig gmacht, das mer in vilne Situatione eifach irgendwie limitiert isch demit. Sigs vo de Systemleistig her primär Grafikleistig, oder eifach hald wils es Netbook isch wo chli isch und wenig scnitstelle drah het.

Wie ich jetzt han muese feststelle gits aber au ganz bruchbari Ableger vo dere Bewegig. Intel het de Atom N330 brocht, das isch e 1.6 GHz DualCore CPU mit HT, also 4 logischi Kern. Im Grund gno eifach 2x en N230 wo die meiste Netbooks verbaut hend.
nVidia het mit em MCP79 Chipsatz oder besser bekannt als ION Platform das gschafft, wo Intel bisher i de Produkte Palette gfehlt het. Es Chipset mit aständiger integrierter grafik wo chli Power het.
Zotac het die beide schone Sache under em Name ZOTAC ION ITX A u feim Board zäme brocht.

Mit HDMI/DVI/VGA (Max 2 Screen), SP/DIF (optical&coax)/Analog Audio, Gigabit/W-LAN, 3xSATA (RAID Controller) und enere Familiepackig USB Schnitstelle isch eigentlich alles drah zum fascht alles mach im Home bereich.
Je noch Konfiguration Chan mer sich uf dere Platform basierend für 300-500 CHF en Rechner baue wo jedere Office Applikation gwachse isch und au mit 1080er HD Material kei Problem macht. Als nette nebeteffekt brucht das ganze au no recht wenig Strom. I minere Konfiguration (2x2GB Ram, 2x1TB HD) brucht das ganze under Last (CPU 30%, HDs random Zugriff) rund 55Watt.

S einzige wo ich bisher als schlecht empfunde han isch de mitgliferete (optionale) Lüfter. Ohni Lüfter het de chuelkorper scho im Leerlauf schnell bis zu 80°C (ohni Ghüs, uf em Tisch liegend). Wenn mer de Lüfter denn montiert macht de sich denn doch unagnehm bemerkbar. Do isch es sinvoll no es paar Franke I en aständige silent Lüfter z investiere.
Spiele mässig han ich zwor nünt usprobiert. Aber eigentlich isch do au klar das en Atom CPU und e im Verhältnis zur CPU recht leistigsfähigi Grafikeinheit wo aber Shared Memory nutzt bi aktuelle Titel klar de chorzere zieht gege en usgwachsne PC (wo denn aber es paar hundert Franke meh chostet).

Wer demit lebe chan, dass mer die Platform spöter praktisch nume mit USB Grät chan ufrüste oder eifach en günstige allround Internet oder Media Center PC brucht, chunt was rechts über, für relativ wenig Geld.
Sust gits no es paar Variante devo mit N230 CPU oder ATX Stromversorgig etc. wo nochli günstiger sind.

Min primäre Beweggrund isch eigentlich gsi, das mis Synology NAS hald eifach limitiert isch wills e embaded platform isch. Inersits isch mer softwaremässig a das bunde was Synology bütet, oder Fans als Plugin dezue flicket und anderersits isch die montierte CPU doch schnell am limit wen mer meh mache will als d Hardware eigentlich defür denkt isch. Ich rede jetzt vo Server Dienst wie für Squeezecenter oder Voll transparenti Verschlüsselig wos eifach no kei schlaui Lösig git für NAS (oder ich han si no nöd gfunde).
Über alles gseh isch es denn hald de Wunsch noch emene vollwertigs OS gsi, won ich demit chan mache, was ich will bzw. installiere was ich will und bruche. Au Virtualisierig isch mal es Thema. Leider understützt d Atom Platform kei VT. Aber für es zweit OS zum mal was teste oder irgend en Löli dienst laufe loh wos fürs Host OS kei schlaui Lösig git, langet das allemal.

D N330 / ION Platform han ich grundsätzlich wäg em niderige Energie verbruch gwählt. S NAS het jetzt im Durbetrieb im Wucheschnitt au guet 35 Watt verbrucht, und do han ich nöd grad uf 100Watt wöle goh, wo en normale Desktop rechner hald schnell mal brucht.
S Zotac Board im spezielle han ich gwählt, will s einzige Board gsi isch wo lokal beschafbar gsi isch, wo en RAID Controller onboard het. Für en Isatz als Storrage Lösig isch das hald scho pflicht.

Mis Ziel isch jetzt, als host OS es Debian druf z tue, natürlich alles schon verschlüsslet, mit dene paar dienst won ich bruche. Denn no es Windows innere VM. Wenns mir nöd glingt, denn hald umgekehrt
In es paar Täg weiss ich meh.

D Hardware selber han ich imene alte Dell PowerEdge 2300 Server Ghüs underbrocht, won ich mit 40mm Schalldämmatte pimpt han. Fürd Chuelig sorget en 120mm silent lüfter. S einzige wo mer no ghört isch s dumpfe „rochsle“ vo de HDs bi de Arbet, aber seb isch nöd störend und 7/24 HDs sind hald au nöd grad d silent Kings. Schlofe im gliche Raum isch jedefall möglich

So, habe fertig. Fragen sind erlaubt, dumme Kommentare sind zum ignorieren da

Links:
Hersteller Link: http://www.zotac.com/index.php…per&Itemid=100026&lang=de
Diverse Testberichte (Google): http://www.google.ch/search?hl…0&oq=zotac+ion+testberich
Preisvergleich: http://www.toppreise.ch/prod_168280.html

So, mini Erfahrige vo de Letschte Paar Wuche …

Also d Hardare überzügt eigentlich immerno. Einzig bim 120mm GELID silent lüfter tönts scho langsam nach Garantiefall, wenn ich de Lager zuelose wo mer scho langsam use ghört. Zuegegebenermasse isch es e Notlösig gsi, will de Scythe Slip Stream 500 rpm woni ch eigentlich han wöle nöd lieferbar gsi isch.

Software …
Nach em erste kenne lerne under Windows han ich den wie gseit emol es Debian druf tue. De RAID Controller isch nöd erkannt worde. Noch echli sueche han ich dann irgendwo en Fore bitrag gfunde wo eine verzellt het, er wüsse vom höre säge das mer das mit 5 Handständ under Ubuntu zum laufe bringi. Ich han mich den frür es software RAID 1 entschide.

Mit de Verschlüsselig und allem han ich den es paar versuech brucht, bis ich dusse gha han, wie mers mues agoh. Ziel isch natürlich gsi, so vil wie möglich verschlüssle, also alles ussert /boot.

Goht folgendermasse.
Bim Partitionierigs schritt Manuell wähle, denn normal s Software RAID baue, das isch jo nöd so schwirig.
Denn seb Volume für Nutzig als LVM deffiniere. LVM erstelle.
Denn im LVM zwei logische Partitione erstelle, Eimol e chlini so 100-200 MB für /boot und de Reste.
Die chline Partition den ganz normal als konfiguriere also ext3 Dateisystem und /boot Ihangepunkt etc.
Die grosse uswähle als Nutzig für verschlüsseltes Volume, uswähle und Verschlüsseltes Volume Konfigurieren. De Assistent dure goh (Passwort Setze, Verschlüsseligs Stärchi, Algo etc. und so), Wichtig isch eifach, wenn nöd nötig (z.B. neui Platte)d Option HD Inhalte Löschen nöd aktiviere, Sust tuet er nocher den wipe. Leider han ich nöd usegfunde was für en Modus er verwendet, und me chans au nöd istelle. An hand von Fortschritt über 2h denk ich das es wohrschnilich 7pas si wird, was denn bi 1 TB locker mal 1.5-2 Tag goht. I han den abbroche und nomol agfange. Er Het nocher au denn no gnueg lang (so 20-30 min) zum d Strukture erstelle. Das passiert aber erscht wenn mer alles deffiniert het.
Guet jetzt isch also s Crypto Volume mal do
Standardmässig will er das denn als ext3 verwende. Das mues mer denn ändere in Nutzung für LVM.
Denn analog em erste LVM. LVM konfiguriere, 2 (oder nach bedarf meh) Partitione erstelle, eini für SWAP (je nach Ram usstatig und Isatz 1-2 GB). Die nöchste für / und was mer hald sust no inere eigete Partition ha will. Die sebe wie normal es Dateisystem wähle und für die vorgsehene nutzig sinvoll konfiguriere.
Denn da ganze Zauber in MBR schribe loh und formatiere loh, warte …
Zum de Überblick palte würd ich für die einzelte Volume und LVM möglichscht trefendi Bezeichnige wähle wie
raid_1
raid_lvm
boot_vol
crypt_vol
crypt_lvm
crypt_swap_vol
crypt_data_vol

Im witere verlauf installierter den LILO (warum nöd GRUB weiss ich nöd), LILO goht jedefalls bi mir recht lang bis d Uswahl bzw. d PW igob chunt. Für mini awendig isch es eh irelevant.Ziel erreicht .. alles wo nöd in /boot isch isch verschlüsslet

Virtualisierig.
Zerst han ich sun virtual Box usprobiert. D Installation isch denkbar eifach gsi. Mit enere chline Apassig i de apt-src liste chan mers nocher ganz eifach via apt-get installiere. S Headless starte vo VMs het mir den aber nöd so ganz wölle. Ebefalls hend „kopierti“ (exportiert und under anderem Name importiere) Windows VMs nöd chone starte und sind bi de Benutzerameldig oder churz nocher abgschmiert. Was s Problem gsi isch han ich bim beste willen öd chone use finde. S richtig ufgsetzte Win XP het seb Problem nöd gha. Einzig Komisch, ich hans nur via Internet chone aktiviere. Telefon aktivierig hat immer gseit, ich hegi mich vertippt -> Nomol neu igeh ^^. Egal … Linux i de VM (au Debian) het zwor bootet, het aber glegentlich kernel Panics gha …

Nach dere Misere han ich denn VMware gnoh. Seb lauft, noch dem ich den au usegfunde han wie mer d nutzig vonere alte gcc Version erzwingt grundsätzlich suber, han dezue aber no es paar Froge (chomet zu Euere Installationsaleitig, wo mir au gholfe het

Fazit: Hetti alles under windows gmacht würs scho sit langem laufe, und ich hetti nünt dezue glernt

So, Da no es paar Pics vo de Hardware:

De Dell PowerEdge 2300 isch us de Pentium 2 Generation und het orginal 2x P2 400 MHz, 256 MB Ram und SCSI 2 HDs drinn gha, wo mir nöd avertraut worde sind

S Ghüs usgschlachtet ... Rein s Metall (Skelett & Wänd) het fascht 15kg, Dazumal isch no fürd Ewigkeit baut worde

Da mal mit Schalldämmig, em MB und freihangende HDs.
De Luftfluss isch eigentlich no facscht wie im original System. Es wird vorne (auf Bild links) dur die ehemalige SCSI Schächt agsuget. De 120mm Lüfter am ursprüngliche Standort (jetzt vibrationsentkopplet) blost in MB Raum ine. De hindere Usblas im MB Raum han ich verschlosse, weg em Schall. D umströmt d HDs und goht hinne, wos Netzteil gsi isch wider use. Über de HDs im Abluft Kanal isch au no s Netzteil verbaut.
Will scho s Dell MB kein Standard gsi isch, und wäge de Dämmig eh nont meh stimmt han ich alli aschlüss won ich bruche via kabel use gführt (Strom, Netzwerk, VGA, PS/2, 1x USB). Zwei witeri USB und d W-LAN Antenne hani ch über e Blende no hinde use gnoh.

Noch die andere Site ...

Front Button & LEDs ... Dell het so e super lösig gha mit gmeinsamem 0 für LED und Schalter. Wil Zotac das chli anderst glöst het, han ich chli muese ume Löte

Ja, das isch jetzt mini Blackbox im Eggli hinne.